21 мамыр күні Мәдениет және өнер қызметкерлерінің кәсіби мерекесіне арналған салтанатты жиында Ғабит Мүсірепов атындағы Қазақ мемлекеттік академиялық балалар мен жасөспірімдер театрының артисі Анар Адилова Қазақстан Республикасының Президенті Тоқаев Қасым-Жомарт Кемелұлының қолынан жаңа үш бөлмелі пәтердің кілтін алды.
Ал 22 мамыр күні Қазақстан Республикасы Премьер-министрінің орынбасары, Мәдениет және ақпарат министрі Балаева Аида Ғалымқызы театрымызда жиырма бес жылдан астам уақыт абыроймен қызмет етіп келе жатқан бақылаушы Арайлым Сүлейменоваға екі бөлмелі пәтердің кілтін табыстады.
Бұл – мәдениет және өнер саласындағы қызметкерлерге деген жоғары құрмет пен айрықша жанашырлықтың көрінісі. Баспаналы болған әріптестерімізді шын жүректен құттықтаймыз!