21 мамыр – Мәдениет және өнер қызметкерлері күніне орай бірқатар мәдениет майталмандары мемлекеттік наградалармен марапатталды.
Қазақстан Республикасы Президенті Тоқаев Қасым-Жомарт Кемелұлының Жарлығымен мәдениет пен өнердегі өлшеусіз еңбегі үшін театр артисі Райхан Қалиолдина «Парасат» орденімен марапатталды. Аталмыш мемлекеттік награданы 22 мамыр күні Мәдениет және өнер қызметкерлерінің кәсіби мерекесіне арналған жиында Қазақстан Республикасы Премьер-министрінің орынбасары, Мәдениет және ақпарат министрі Балаева Аида Ғалымқызы табыстады.