9 қазан күні Ғабит Мүсірепов атындағы Қазақ мемлекеттік академиялық балалар мен жасөспірімдер театры Ресейдің Санкт-Петербург қаласында өткен XXXV Халықаралық «БАЛТИЙСКИЙ ДОМ» театр фестивалінде «Ұлпан» (авт.: Ғабит Мүсірепов, реж.: Гүлназ Балпеисова) спектаклімен өнер көрсетті.
«Балтийский дом» – әлемдік деңгейдегі беделді фестивальдердің бірі саналады. Мұнда әлемнің түрлі елдерінен үздік театр ұжымдары бас қосып, өнерлерін паш етеді. Қазақ театры осы айтулы мәдени алаңға алғаш рет қатысты. Бұл – ұлттық театр өнерінің халықаралық сахнадағы жаңа белесі.
«ҰЛПАН» қойылымы Санкт-Петербург қаласында көрерменнің ыстық ықыласына бөленді.
