«ҚҰЛАГЕР» поэмасы қазақ театры тарихында ең алғаш болып Ғ.Мүсірепов театрының сахнасында қойылғаны көпшілікке мәлім. Ал, қазіргі таңда еліміз Мүсірепов театры арқылы ЕҢ АЛҒАШ РЕТ 20 мамыр мен 8 қазан аралығында өткізілетін А.Чехов атындағы Халықаралық театр фестивалінің ҚАТЫСУШЫСЫ АТАНБАҚ!
1992 жылы театр одақтарының Халықаралық конференциясы қолдауымен құрылған фестивальдің басты мақсаты – көрермендерге әр елдің қойылымдарының ең таңдаулыларымен таныстыру болып табылады.
Фестиваль тарихына көз жүгіртетін болсақ, әлемнің 54 елінен 600 ден астам қойылым көрсетілген. Ерекшелігінің бірі – фестиваль аясында театрлық көше бағдарламасы ұйымдастырылады. Қатысушылар қаланың әртүрлі аудандарындағы ашық алаңдарда өнер көрсетеді.
Сүйікті театрларыңызға сәттілік тілеп, Құлагердей сайгүліктің тақымын қысып отыруға мархабат!