«International Union of Theatre Critics» – «Халықаралық театр сыншылары бірлестігі» 2020 жылғы еліміздегі театрлардың жасаған жұмысына қарай сараптама жасап, жылды қорытындылай келе жыл үздіктерін анықтап, «СЫНШЫЛАР ЖҮЛДЕСІМЕН» марапаттады.
Еліміздің танымал театр сыншыларының сараптамасының нәтижесінде Ғ.Мүсірепов атындағы Қазақ мемлекеттік академиялық балалар мен жасөспірімдер театры ең басты жүлделерге ие болды.
«ЖЫЛДЫҢ ҮЗДІК ҚОЙЫЛЫМ» номинациясы бойынша «ШАҒАЛА» спектаклі (автор А.П.Чехов, режиссер Е.Нұрсұлтан).
«ЖЫЛДЫҢ ҮЗДІК РЕЖИССЕРІ» номинациясы бойынша «ҚҰЛАГЕР» қойылымы үшін ФАРХАД МОЛДАҒАЛИЕВ.
«ЖЫЛДЫҢ ҮЗДІК АКТРИСАСЫ» номинациясы бойынша «Шағала» қойылымындағы Аркадина ролін сомдаған ЖАНАР МАҚАШЕВА МАРАПАТТАЛДЫ.
Сондай-ақ Батыс Қазақстан облыстық Х.Бөкеева атындағы драма театрының сахнасында театрымыздың көркемдік жетекшісі ДАНИЯР БАЗАРҚҰЛОВТЫҢ режиссерлігімен сахналанған «Мен» қойылымындағы Мен ролі үшін Ербол Есендосов «Жылдың үздік актері» номинациясы бойынша марапатталды.