Әсет Иманғали 2006 жылдан бері Ғ.Мүсірепов атындағы Қазақ мемлекеттік академиялық балалар театрында актер болып еңбек етеді. 2013 жылы Қазақстан Жастар Одағы «Серпер» сыйлығының лауреаты атанды. Жас актердің ойнаған рөлдері көп-ақ. Т.Ахтановтың «Күшік күйеуінде» – Тюрянчикті, М.Хасеновтің «Жұбайлар-ай, жұбайларында!» – Есетті, Қ.Мұхамеджановтің «Бөлтірік бөрік астындасында»- Әнуарді, Ғ.Мүсіреповтің «Ақан сері-Ақтоқтысында» – Жалмұқанды, «Қозы Көрпеш – Баян сұлуда» -Қодарды ойнап, өнер сүйер қауымның ықыласына бөленді.
