Бүгін Ғ. Мүсірепов атындағы Қазақ мемлекеттік академиялық балалар мен жасөспірімдер театрына Қазақстан Республикасының Мәдениет және спорт министрлігінің «Адалдық алаңы» жобалық кеңсе жетекшісі Марат Камзолдаев келіп жобалық кеңсенің алдағы жұмыс жоспары талқыланды. Кездесуде театрымыздың әкімшілік-басқару мүшелері: театр басшысы Азамат Сатыбалды, директордың орынбасарлары, және «Адалдық алаңы» жобалық кеңсе жетекшісі Нүсіпәлі Ұлан және басқару бөліміндегі басқа да жауапты мамандар қатысты.
Жобаның басты мақсаты – мемлекеттік қызмет көрсету сапасын арттыру, сыбайлас жемқорлықтың алдын алу және театр қызметкерлері мен көрермендер үшін қолайлы жағдай жасау. Мемлекеттік ұйымдардың жұмысы ашық болуға тиіс. Ол үшін ауқымды қоғамдық бақылау енгізілуде. Осы орайда аталған және көптеген мәселелер туралы Қазақстан Республикасының Мәдениет және спорт министрлігінің «Адалдық алаңы» жобалық кеңсе жетекшісі Марат Камзолдаев айтып өтті.