Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Мәкіл Құланбаев 500-ден аса рөлдерге дубляж жасаған (ВИДЕО)

Мәкіл Құланбаевтың театр училищесіндегі алғашқы ұстазы Ольга Пыжова болыпты. Ал, театр  өнеріне кәсіби түрде баулыған ұстазы – Асқар Тоқпанов. Жас актердің сахнадағы алғашқы рөлі – Ғабит Мүсіреповтің «Қозы Көрпеш Баян сұлуындағы» Қодардан бастау алды.

Кейін Мұхтар Әуезовтің «Еңлік-Кебегіндегі» Есен, «Ақан сері – Ақтоқтыда» Науан хазірет сияқты үлкен рөлдерде шебер ойнап, өзін шыңдай түсті.

Мәкіл Құланбаев «Менің атым – Қожа» фильміндегі Қаратай рөлі арқылы кеңінен танылды. Бұдан кейін «Қилы кезеңде», «Атаманның ақыры», «Қош бол, Медеу», «Қауын» сынды оннан аса көркем фильмде түрлі рөлдерді сомдады.

ҚР Еңбек сіңірген әртісі Кәдірбек Демесін «Мәкіл ағаның фантазиясы ғажап болатын. Алғашқыда  образы көрерменге әсер етпейтіндей, сырттай қарағанда сенімсіздеу көрінгенімен, біраз көз үйретіп қарасаң, бәрібір сол айтылатын ойдың бойынан табылады. Тереңнен тартады»,-деп еске алады.

Мәкіл Құланбаев кинода 50-ге тарта рөлдерді сомдаған. Ал, теледидар мен радиода жүріп, 500-ден аса рөлдерге дубляж жасаған.

Ақпарат көзі: http://kaztv.old3.kaztrk.kz/kz/news/portal/mekil-kulanbaev-500-den-asa-rolderge-dublyazh-zhasagan-video

ОҚИ ОТЫРЫҢЫЗ

Назарбаев: Домбра – паспорт и бренд казаха

admin

2-желтоқсан күні сағат 18.30-да “Желтоқсан желі” драмасы сахналанады. 1986 жылдың əлі күнге дейін жадымызда жаңғырған ызғарлы күнінде Орталық алаңға шыққан жастар – қыз бен жігіттің қан жоса тағдыры, олардың адамның бойы мен жанын мұз қарыған сондай ауыр шақтарда бірін-бірі құрсауда тастамай, бір-біріне пана болуы… Сондай, оларды қала қарттары Баймырза мен Талшынның үйін тасалауы көрініс табады. Намысты ту еткен қазақ жастарының жүрекжарды тілегін тыңдауды қорсынған “жүйе” оларға зорлық-зомбылық көрсетіп жатты. Ұрды, соқты, сүйреді… намыстарына тиді. Осының бəрі – бір спектакльдің өне-бойына Өнер тілімен сыяды. Құрметті көрермен, театрға келіңіздер!

admin

Театрымыздың әдебиет бөлімінің меңгерушісі – Бақыт Беделхан “Жаңа күн” бағдарламысының “Кітап сөресі” айдарында.

admin