Ақиық ақын М.Мақатаевтың туған күніне орай Ғабит Мүсірепов атындағы балалар мен жасөспірімдер театрының «Кейіпкер келбеті» мейман бұрышында ақынның ұлы –Жұлдыз Мұқағалиұлы және «М.Мақатаев атындағы халықаралық қоғамдық қорының» төрайымы – Бақыткүл Қыдырбайқызымен кездесу кеші өтеді, – деп хабарлайды«Қамшы» порталы.
Кездесу кеші 9 ақпан күні өтеді. Кеш соңында театр репертуарындағы жаңа туынды М.Мақатаевтың «Райымбек! Райымбек!» (Реж. ҚР еңбек сіңірген артисі – Мұрат Ахманов) поэтикалық дастаны назарларыңызға ұсынылады. Мұқағали рөлін Қазақстан Жастар Одағы «Серпер» сыйлығының лауреаты Бейбіт Қамаранов, Райымбек бейнесін Қазақстан Жастар Одағы «Серпер» сыйлығының лауреаты Асылхан Төлепов сомдамақ.