Қазақ өнерінің қоржыны «Сең» атты жаңа драмамен толықты. Әбдіжәміл Нұрпейісовтың «Соңғы парыз» романы негізінде сахналанған қойылым «Арал тағдырына» арналған екен.
НАРИМАН ҚЫПШАҚБАЕВ, су шаруашылығы комиссиясы ғылыми-ақпараттық орталығының директоры:
– Театрдың қойып жатқаны өте бір маңызды мәселе. Оны тек су шаруашылығы, зардап шегіп отырған Қызылорда, Оңтүстік Қазақстан емес, барлық халық білу керек. Менің айтпағым, Сырдарияның, Абударияның қиын жағдайы жер жүзіндегі бір өзеннің бойында жоқ.
Ғабит Мүсірепов атындағы қазақ мемлекеттік академиялық балалар мен жасөспірімдер театрында сахналанған қойылым режиссері – Сырым Асқаров. Ол қоғамда көрініс тапқан Арал трагедиясына рухани тұрғыдан келуге тырысқан. Яғни көп жылдан бері шешімін таппай келе жатқан тақырыпты өнер тілімен жеткізуге ұмтылған екен.
Ақпарат көзі: http://informburo.31.kz/3622?lang=ru