Спектакль барысында көздеріне жас алғандар да болды
Қазақта Құлагерді көп айтады. Ғабит Мүсірепов атындағы мемлекеттік балалар мен жасөспірімдер театрында “Құлагер” спектаклінің премьерасы өтті, деп хабарлайды Almaty.tv.
Саунтдрама жанрындағы қойылымды дайындауға бір жылдам астам уақыт кеткен екен. Режиссер спектакльде “Құлагер” арқылы қазақ арыстарының болмысын барынша бүкпесіз көрсетуді басты мақсат еткенін айтады.
«Осы спектакль арқылы жалғыз Құлагердің, я да Ақанның ғана тағдырын емес, бүкіл қазақтың тағдырын, Алаш орданың кезінде өмір сүрген шын жүйріктердің өміріне астармен қарап, соларды көрсету мақсатында қойылған спектакль», – деді «Құлагер» спектакльінің режиссёрі Фархат МОЛДАҒАЛИ.
Премьераға келгендер көп. Тіпті орын жетпегендер екі сағат бойы тік тұрып тамашалады. Көрермендердің сөзінше, қойылым жоғары деңгейде шыққан. Спектакль барысында көздеріне жас алғандар да болды. Қойылым соңында рухани демалып қайтқандарын айтты.
Ақпарат көзі: https://almaty.tv/kz/news/kultura-i-shou-biznes/1504-gabit-musirepov-teatrynda-kulager-spektaklinin-premerasy-otti