Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

Ақиық ақынның ұлы жас шәкірттерге ақ батасын берді

Бүгін ақиық ақын Мұқағали Мақатаевтың туған күніне орай еліміздің түкпір-түкпірінде түрлі іс-шаралар ұйымдастырылды. Соның бірі – Алматыдағы Ғ.Мүсірепов атындағы қазақ мемлекеттік академиялық балалар мен жасөспірімдер театрында өтті.

Театр жыр жүйрігінің ұлы Жұлдыз Мұқағалиұлы және келіні, сондай-ақ «М.Мақатаев атындағы халықаралық қоғамдық қорының» төрайымы Бақыткүл Қыдырбайқызымен кездесу кешін ұйымдастырды. Кешті белгілі ақын Бақыт Беделхан жүргізді.

«Кейіпкер келбеті» кездесу бұрышында көрермендермен салиқалы сұхбат құрып, əсерлі естеліктерімен бөлісті. Әсіресе ақиық ақынның ұлымен кездесуге келген жас шәкірттердің құлшынысы жоғары болды. Олар ақынның өлеңдерін оқып, Жұлдыз Мұқағалиұлының ақ батасын алды.

Кездесу кешінде театр репертуарындағы жаңа туынды М.Мақатаевтың «Райымбек! Райымбек!»(Реж. ҚР еңбек сіңірген артисі – Мұрат Ахманов) поэтикалық дастанында Мұқағали рөлін сомдаушыБейбіт Қамаранов пен Райымбек рөлін сомдаушы Асылхан Төлепов арнайы таныстырылып, құттықтау хаттармен марапатталды. Жұлдыз Мұқағалиұлы мен Бақыткүл Қыдырбайқызы театр әртістеріне алғысын білдіріп, еңбектеріне жеміс тіледі. Кеш соңы «Райымбек! Райымбек!» поэтикалық дастанымен жалғасты.

ОҚИ ОТЫРЫҢЫЗ

Ертен яғни 30 шы Караша күни сағат 9.30 -да, Абай даңғылымен Наурызбай көшесінде орналасқан спорт кешенінде, Алматы қаласының театрлары арасында волейболдан жарыс өтеді! Жанкүйер болып келем дегендерге есік ашық!!! Алға Тюз!!!!!

admin

Сиқырлы терезенің сыры қандай?

admin

Роза Әшiрбекова – өмiрiн театрға арнаған жан. Сахнада сан түрлi рольдердi сомдап, өмiрде жан-жағына шуақ шашып жүрген, театр әртiстерiнiң анасына айналған аяулы кiсi. ҚР Халық әртiсi атағынан бөлек, көрермендерiнiң ыстық ықыласына, шынайы сүйiспеншiлiгiне бөленген ардақты ана! Өмiр жолы ұрпаққа үлгi боларлық анамызға арналған өлеңдi өздерiңiзге ұсынамыз.

admin