9-10 қарашада сағат 18.30-да Ғ.Мүсірепов атындағы Қазақ мемлекеттік академиялық балалар мен жасөспірімдер театрында Баянғали Әлімжановтың «Супер жеңгетай Серкеш» комедиясының премьерасы болады. Қазіргі замандағы адам баласын толғандырған бірқатар өзекті мәселелерді арқау еткен қойылым көрерменді ойландыратыны сөзсіз. Заманның сиқы осы ма?.. Адамилықтың құны қайсы?.. Байлықтың буы, ақшаның табы кісіні ісіндірмей қоюы мүмкін бе?.. Жылтыраққа әуестік, жағымпаздықпен сатылу, еңбексіз тегін мал таппақ көсегемізді көгертпек пе?.. Міне, осы заманғы түйткілді сұрақтардың төркіні осындай болып келеді. Бірақ, біз бәрібір, түптің-түбінде адами құндылықтың сақталғанын қалаймыз. Ойлы күлкіге құрылған комедиялық қойылымнан ой түйгіңіз келсе, «Супер Серкешті» көріңіз!
«Супер жеңгетай Серкеш»
