Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
Мекеме жаңалықтары

«БОЛМАҒАН БАЛАЛЫҚ ШАҚ» спектаклінің ПРЕМЬЕРАСЫ

Ғ.Мүсірепов атындағы Қазақ мемлекеттік академиялық балалар мен жасөспірімдер театрында НАУРЫЗДЫҢ 21,22-і күндері «БОЛМАҒАН БАЛАЛЫҚ ШАҚ» спектаклінің ПРЕМЬЕРАСЫ өтеді.

Қойылым қазіргі таңда көптеген жастардың арасында танымалдылыққа ие болып жүрген Ақберен Елгезектің «Болмаған балалық шақ» шығармасының желісі бойынша сахналанады. Жанры – хикаят. Аталмыш спектакльге ҚР «Дарын» Мемлекеттік Жастар сыйлығының иегері, ҚР Президенті Қ.К.Тоқаевтың Мәдениет саласындағы мемлекеттік стипендиясының иегері және UMAI ұлттық сыйлығының иегері Фархад Молдағали режиссерлік етті. Қоюшы композиторы  – бүгінгі таңда көпшіліктің көңілінен ерекше орын алған «Махаббат, қызық мол жылдар» спектаклін әнмен әрлеген Ербол Нариманұлы.

Қоғамда тағдыр тауқыметін кешіп, тірі жетім болып өмір сүрген және сүріп жатқан жандар аз емес. Алдайда соншама қиындықтардан тұратын ауыр жолды жеңіп өз жарқын болашағын жасағандар да бар. Қос жанарға жас келтіріп, жүректі қозғай тұра жақсы күндерден күдер үзбеуді үйрететін бұл спектакльдің көрерменге берері мол екеніне зор үмітпен сенеміз.

Аталмыш спектакльде көрермендердің ыстық ықыласына бөленіп жүрген  ҚР еңбек сіңірген қайраткерлері Райхан Қалиолдина, Сәкен Рақышев, Тынышкүл Сұлтанбердиева және Нұргүл Мыңғатова, Ақмарал Дайрабаева сынды әртістер басты рөлдерді сомдайтын болады.

ОҚИ ОТЫРЫҢЫЗ

Алматинский Театр юного зрителя открыл свой 70-й юбилейный сезон – See more at: http://www.31.kz/video/show/id/9829#sthash.xsVbBXC6.dpuf

admin

2-желтоқсан күні сағат 18.30-да “Желтоқсан желі” драмасы сахналанады. 1986 жылдың əлі күнге дейін жадымызда жаңғырған ызғарлы күнінде Орталық алаңға шыққан жастар – қыз бен жігіттің қан жоса тағдыры, олардың адамның бойы мен жанын мұз қарыған сондай ауыр шақтарда бірін-бірі құрсауда тастамай, бір-біріне пана болуы… Сондай, оларды қала қарттары Баймырза мен Талшынның үйін тасалауы көрініс табады. Намысты ту еткен қазақ жастарының жүрекжарды тілегін тыңдауды қорсынған “жүйе” оларға зорлық-зомбылық көрсетіп жатты. Ұрды, соқты, сүйреді… намыстарына тиді. Осының бəрі – бір спектакльдің өне-бойына Өнер тілімен сыяды. Құрметті көрермен, театрға келіңіздер!

admin

Бақыт Тушаев, Қазақстан Жастар одағы «Серпер» сыйлығының лауреаты: ӘР АКТЕРДІҢ ЖЕКЕ ЖЕТІСТІГІ – ҰЖЫМНЫҢ ЗОР ЕҢБЕГІ

admin