02.07.2015
http://www.shyn.kz/article/view?id=1628
Ғабит Мүсірепов атындағы Қазақ мемлекеттік академиялық балалар мен жасөспірімдер театрында «Құстар фестивалі» фарс-комедиясының премьерасы өтті.
Белгілі жазушы-драматург Дулат Исабековтың бұл қойылымын Сафуан Рысбайұлы сахналайды. Спектакльдің қоюшы-суретші – Қуат Түстікбаев болса, композиторы – Болатбек Нұрқасымов. Балетмейстер – Ринат Билибаев, сахна сайысын қойған – Мақсат
Белгілі жазушы-драматург Дулат Исабековтың бұл қойылымын Сафуан Рысбайұлы сахналайды. Спектакльдің қоюшы-суретші – Қуат Түстікбаев болса, композиторы – Болатбек Нұрқасымов. Балетмейстер – Ринат Билибаев, сахна сайысын қойған – Мақсат Рахметов.
«Білімсіздерді алға оздырғаны үшін білімділердің жауап беретін кезі келеді…»
Адам мен адам арасындағы пендешілік талас пен тартыстың, дау-дамайдың саябырсыған кезі бір болған емес. Спектакль – адамзат пен қоғам пайда болғаннан бергі, кеңінен орын алған теңсіздік, әлділердің әлжуаздарды билеп-төстеуі, соның нәтижесінде туындайтын пендешіліктің адами қасиеттермен тартысы жайлы. Спектакль орманда өтетін құстар фестивалінен бастау алады. Бүркіт, бұлбұл, жапалақ, ата қаз, сауысқан, мекиен, тауыс, көөке секілді құстар бар. Әтеш шақырып, қарғалар қаңқылдап, сауысқандар саңқылдағанмен, бәрібір бұлбұлдың үні басым шығып, жеңіске жететініне риза боласыз… Фестивальге бұлбұлды қатыстырмау үшін, қарғалар оны байлап тастайды. Бұл дегеніңіздің өзі өмірде кездесетін жағдайлардың бірі екендігі анық… Қойылымда Ержан Жарылқасынұлы, Әсет Иманғалиев, Бейбіт Қамаранов, Гүлбахрам Байбосынова, Ербол Ідірісов, Жанар Мақашева, Толқын Нұрбекова, Елдарт Отарбаев, Мақсат Сәбитов және т.б. актерлер құрамы өнер көрсетеді.
“Шын-ақпарат”