Алматыда 14 қараша күні Ғабит Мүсірепов атындағы Қазақ мемлекеттік академиялық балалар мен жасөспірімдер театрында «Айтылмаған махаббат» театрландырылған ән-думан кеші өтеді. Бұл шара өнер ордасының 70 жылдығы аясында 17-қарашадағы «Халықаралық студенттер күніне» арналып отыр.
69-маусымын Дулат Исабековтің драмасына қойылған режиссер Мұрат Ахмановтың «Құстар фестивалінің» премьерасымен аяқтаған өнер ордасы 70-маусымды 14-қазанда екі бірдей жаңа спектакльмен ашты. Оның бірі балаларға арналған Еркін Әбдірашевтің «Алтын мүйізді киік» ертегісі болса, екіншісі Мұқағали Мақатаевтың «Райымбек! Райымбек!» поэтикалық тарихи дастаны.
Ақпарат көзі: http://qazaq-alemi.kz/news?id=2503