Авторы-Ермек Аманшаев
Қоюшы-режиссері Сағызбай Қарабалин ҚР еңбек сіңірген артисі
Қоюшы-суретшісі Бақыт Сраилов ҚР мәдениет қайраткері
Режиссердің ассистенті-Динара Әбікеева
Музыкасын құрастырушы- Динара Әбікеева
Киім суретшісі- Әлия Әбдікәрімова
Балетмейстер- Ләззат Билибаев
«Балкон»- орта жастағы әйелдің бір тамшы мөлдір мұңы. Пенде баласы алаңсыз көрінгенімен, өмір бойы бір нәзік сәулені күтумен болатыны сөзсіз. Біздің кейіпкеріміз – «ақ қанат құс махаббатын» әлі де күтумен жүрген жалғызілікті жан.
Әдеттегідей, жұмыс күнінен кейін пәтерге оралған Әйел, балконында әлдекімдердің жүргенін байқайды. О баста үрейленіп, полицияға телефон шалғанымен, өздерін тым еркін ұстаған «серілердің» әңгімесіне, әсіресе өзіндей өнер адамы Режиссердің ой-орамдарына бірте-бірте бой үйрете бастағандай. Бірақ сезім кейде алдамшы келеді. Кенеттен пайда болған жігіт кенеттен ғайып болады…
Арман қатты аралдан келгендей көрінген бұл серіңіз кім сонда? Адам өміріндегі қиялдың орны қандай?..Спектакль міне, осындай сауалдардың жауабын іздейді.
