Бүгін Ғ. Мүсірепов атындағы Қазақ мемлекеттік академиялық балалар мен жасөспірімдер театры — Қазақстан халықтары Ассамблеясының 20 жылдығы мен 1 маусым – Халықаралық балаларды қорғау күніне арналған мерекелік концерт өткізді.
Алматы қаласы № 4 оқушылар үйінің «Мөлдір» би ансамблі, Орыс халық әні театрының жанындағы «Семиряночка» балалар ән ансамблі, Алматы қаласы Өзбек этно-мәдени орталығының өнерпазы — Исмаилова Хадича, Алматы қаласы «Дай Мохк» Шешен этно-мәдени орталығының бишілері әуезді әндері мен тамаша билерін тарту етті.
Мерекелік іс-шара соңында «Халықтар достығына» арналған БИді этно-мәдени орталықтардың өнерпаздары мен театр артистері бірігіп орындады.
Іс-шара соңында, барлық қатысушыларға театр ұжымы атынан алғыс хаттар мен бас демеуші «Рахат» АҚ атынан тәтті сыйлықтар табыс етілді.
