Ғабит Мүсірепов атындағы Қазақ Мемлекеттік Академиялық балалар мен жасөспірімдер театры
БАҚ жаңалықтары Мекеме жаңалықтары

АДАМИ КАПИТАЛ – ЖАҢҒЫРУ НЕГІЗІ

Тәуелсіздігіне ширек ғасырдан асқан тұғырлы еліміздің сан ға­сырлық тарихында небір қиын-қыс­тау, ұлт ретіндегі ұзақ жолында соқ­пағы мен бұралаңы көп тағдыр­лы шақтар өткен. Ата-бабаларымыз аңсаған бүгінгі ақ таңдарға біз бен біздің балаларымыз жетіп отыр.

Келешек ұрпағымыздың болашағы кемел боларына алаңдамай, еңсе­мізді тік ұстап, ертеңімізге нық сене қарап, алаңсыз еңбек етудеміз. Дүние жүзінің кей түкпірлерінде саяси һәм әлеуметтік тұрғыда қым-қуыт қиыншылық көріп немесе қыспаққа ілігіп, тіпті, қан кешіп жат­қан елдер де аз емес. Бағымызға қарай, еліміз жыл санап жаңару, жаңғыру және ай санап айбары аса түсіп, күн санап көркею үстінде. Ел­басымыздың бүгініміз бен келер ширек ғасырға жасаған сарабдал саясаты мен атаулы айқын бағдарла­малары мемлекеттігіміздің мығым болуы мен елдігіміздің әлем алдын­дағы бет-бедер, абыройының арта түсуі межесінде адастырмас шы­рағ­дан сынды тура жол сілтеп келеді.
Президентіміз Н.Назарбаев­тың жыл сайынғы кезекті Халыққа Жолдауы – тиісті атқарушы орындар мен әрбір қазақ елінің азаматына бағыт-бағдар берер қолдағы сүйеніш-картасы іспетті. Елбасымыздың биылғы Жол­дауы жүзеге асырылуы тиіс нақты 10 міндет, мәселелерді қам­ти­ды екен. Елдік тұрғыда не атқа­рылды, нелер атқарылуда, ендігі жерде атқарылуы кезек күттірмей­тін нендей істер жалпы еңбекте, өндіріс пен кәсіпте алғы шепке шығуы тиіс? Міне, осындай сұрақ­тар төңі­регінде ой түйер болсақ, әрбі­ріміз үшін жол сілтер жауаптар осы «ондықтың» төңірегіне топ­тасты­рылыпты.
Жолдау «Төртінші өнеркәсіп­­тік революция жағдайындағы даму­дың жаңа мүмкіндіктері» аясында жүзеге асырылуы керек негізгі 10 міндет төңірегінде өрбиді. Президент Жолдауын: «Бүгінде әлем Төртінші өнеркәсіптік рево­люция дәуіріне, технологиялық, экономикалық және әлеуметтік салалардағы терең және қарқынды өзгерістер кезеңіне қадам басып келеді. Жаңа тех­нологиялық қалып біздің қалай жұмыс істейтінімізді, азаматтық құқықтарымызды қалай іске асыратынымызды, балалары­мызды қалай тәрбиелейтінімізді түбегейлі өзгертуде», – деген түйін­мен бастайды. Одан ары «Біз жаһан­дық өзгерістер мен сын-қатерлерге дайын болу қажеттігін ескеріп, «Қазақстан – 2050» даму стратегия­сын қабылдадық», – делінген. Шы­нында, әлемде жаһандық ғала­мат өзгерістер өту үстінде. Тағды­рын сын-қатерлерге торлатып алған ел­дер де жоқ емес. Бағымызға қарай, Еліміз – Елбасымыздың: «дамыған отыз елдің қатарына кіру…», «100 нақты қадам» Ұлт жоспары, «Қазақстанның үшінші жаңғыруы», «Индустрияландыру бағдар­ла­масы», «Цифрлы Қазақстан» және «Қа­зақстан Республикасының 2025 жылға дейінгі дамуының кешенді стратегиялық жоспары» ұзақмер­зімді мақсатты бағдарла­маларын ұстанып, жан-жақты қарқынды даму үстінде. Биылғы Жолдау өнеркәсіптік шарықтап даму мен соған бейімделу және жетістікке жету жолында не істеу қажеттігін айқындайды екен.
Олар: Индустрияландыру – жаңа технологияларды енгізу. Кә­сіпорындарды жаңғыртуға және цифрландыруға бейімдік, өнімнің экспортқа шығуын көздейтін жаңа құралдарды әзірлеп, сыннан өткізу. Инновациялық орталықтар мен технологиялардың қызметін арт­тыру, ұйымдастыру және қайта қарау. Экономиканы цифрландыру. Білім беру жүйесін, коммуникация мен стандарттау салаларын индус­трияландыру талаптарына бейімдеу; Ресурстық әлеуетті дамыту; «Ақыл­ды технологиялар» – агро­өнеркәсіп кешенін қарқынды дамыту мүм­кіндігі; Көлік-логистика инфра­құрылымының тиімділігін арттыру; Құрылысқа және коммуналдық секторға заманауи технологияларды енгізу; Қаржы секторын «қайта жаң­ғырту»; Адами капитал – жаң­ғыру негізі.
«Жаңа әлем көшбасшыларының қатарына қосылу үшін Қазақстанда қажетті нәрсенің бәрі бар екеніне сенімдімін», – дейді Елбасымыз Н.Назарбаев. Біз де, еліміздің әлем­нің ең озық көшбасшы мемле­кеттерінің қатарына енуі жолында аянбай тер төгіп, ортақ жүгімізді жұмыла көтерісіп, Жолдауда атап көрсетілген атқарылуы тиіс міндеттердің жүзеге асырылуына үлес қосатын боламыз.

Сәбит ӘБДІҚАЛЫҚОВ,
Қазақстанның еңбек сіңірген қайраткері

Ақпарат көзі: https://aikyn.kz/2018/01/13/38993.html

ОҚИ ОТЫРЫҢЫЗ

ДУБЛЯЖ ПАДИШАСЫ. Қазақстанның халық әртісі Мұхтар Бақтыгереевті ел әлі де осылай атайды

admin

Қазақтілді театр көрерменге алғаш рет аудиоқойылым ұсынды

admin

“АРМАНДАПСЫҢ, АҚТОҚТЫ!” Райхан Қалиолдина жастық шағында қазақ драматургиясының классигі Ғабит Мүсіреповтың өзінен бата алған. Ол “Ақан сері – Ақтоқты” спектаклінің тұсаукесерінен кейін шымылдық сыртындағы жас актрисаға арнайы барып, “Ақтоқтының” қолынан қысып, маңдайынан иіскеп, “Нағыз менің Ақтоқтым” деген екен.

admin