Ғ.Мүсірепов атындағы Қазақ мемлекеттік академиялық балалар мен жасөспірімдер театрында ҚАҢТАРДЫҢ 22-сі күндері «ЧЕМПИОН» спектаклінің ПРЕМЬЕРАСЫ өтті.
Шығармаларымен көптің жүрегінен орын тапқан Бердібек Соқпақбаевтың «Жекпе жек» туындысы желісі бойынша сахналанған «Чемпион» спектаклі көрерменге жол тартты. Қойылымның режиссері – Мұрат Ахманов.
Әр адамның табиғаты әр түрлі. Оның тұлға ретінде қалыптасып, өмірде көздеген мақсатқа жету-жетпеуі әркімнің жан-дүниесіндегі қозғаушы күші мен жасаған еңбегіне байланысты. Әлжуаз ауыл баласының жігерлі талабы мен еңбексүйгіштігінің арқасында он алты жасында бокстан әлем чемпионы болған бейнесін спектакльден тамашалауға болады.